أنامل حول العالم

العالم بقى فعلا قرية صغيرة

وللأسف المدنية والتحضر زي ما مميزاتهم كتير أكيد ليهم عيوب
من عيوبهم إخفاء المعالم، يعني بعد ماكانت كل بلد ليها الملابس اللي بتميزها بقت معظم الناس لابسة قميص وبنطلون

في محاولة مننا لإحياء التراث وتعريف الأطفال بالعالم اللي احنا عايشين فيه، وكمان بناء على طلب متابعين صفحة أنامل الكرام، قررنا نعمل الكتاب ده هدية لكل طفل وأسرة

الكتاب ده فيه معظم بلاد العالم، كل بلد اسمها مكتوب وتحته العاصمة، بالعربي وبالانجليزي
وتحت الإسم فيه علم الدولة

كل دولة كمان فوقها صورة للزي التقليدي بتاعها اللي غالبا ممكن يكون مش موجود حاليا.

"الهدف الغير مباشر من الكتاب هو تعليم الأطفال "التقبل
وبما اننا عايشين في مجتمع كلنا فيه نشبه بعض، وغالبا الطفل مابيتعرضش لناس مختلفة، فتقبله للاختلاف أصبح صعب

علموهم إن رغم  إختلاف أشكالنا وألواننا ولبسنا، إحنا في الاخر زي بعض

كلنا إنسان