بما ان الاطفال صعب يحكوا لوحدهم الكروت دي هتساعدك تبدأي كلام مع ابنك في مواضيع مختلفة وانتوا بتلعبوا

 

من أكتر الحاجات اللي مفتقداها من طفولتي هي لمتنا على السفرة وقت الغدا مع ماما وبابا الله يرحمه.

اللمة دي ببساطة كانت بتقرب الأسرة من بعض، وبتخلي كل واحد يحكي عن يومه بطريقة طبيعية من غير الأسئلة المباشرة اللي غالبا بيبقى مالهاش إجابة!

دلوقتي للأسف أنا متأكده ان معظم الأسر مفتقدة اللمة دي لأسباب مختلفة. تمارين ودروس ومواعيد شغل لحد متأخر بالليل. الحياة بقت أصعب من زمان بكتير.

بس ده مش معناه اننا نستسلم للظروف ونضيع فرصة التواصل مع ولادنا 😉

جايبالكوا النهارده مفاجأة 🤩
كروت فيها اسئلة مختلفة وجديدة وغير مباشرة، وساعات مضحكة 😁

اطبعوها وخلوها معاكوا في العربية، في البيت، في الشنطة، زي ماتحبوا.
لو الطفل صغير ممكن تطلعي كارت وتسأليه وممكن هو اللي يختار والطفل الكبير ممكن يقرأ هو الكروت ويختار سؤال النهارده ويجاوب عليه.

وممكن كمان الاطفال يلعبوا بالكروت مع بعض ويسألوا بعض الاسئلة 😍

الاطفال بيحبوا اللعب، ومابيحبوش الاستجواب والاسئلة المباشرة. العبوا معاهم وساعدوهم يطوروا مهارات الحوار عندهم وشوفوا الأسئلة دي هتوصلكوا لحوارات شكلها ايه واحكولي عملتوا ايه 😉

سيبتلكوا كارت فاضي كمان تكتبوا فيه اللي انتوا عايزينه 😊

لو البوست عجبكوا اعملوا شير ومنشن عشان ناس اكتر تستفيد منه ♥️

الكروت موجوده في PDF تقدروا تنزلوا و تطبعوه بسهوله 

لتحميل الكتاب مباشرة ادخل الايميل والاسم واضغط على زر التحميل
برجاء التأكد من عدم وجود مسافة قبل او بعد الايميل

5 comments


  • Yasmin

    افكار جميله


  • إيمان الجيزاوي

    ربنا يبارك لك وينفع بك


  • سمر

    افكار جميلة و جديدة كنا فى احتياج لها


  • Iman khalil

    جزاكم الله خيرا كثيرا


  • Amira

    ارجو ارسال كتيب الفضاء و كتيب أنشطة رمضان و مناقشات مسلية و كتيب انت راكب مركب


اتركي تعليق