ايه علاقة كروت حاسس بإيه بدخول المدارس؟ 🤔

ليه انا كأم شايفة ان ده احسن وقت لاستخدام الكروت دي مع الولاد؟

ببساطة انا أم زيك وفي نفس موقفك بالظبط.
ابني حاسس انه متلخبط ومش فاهم اللي بيحصل!
- ماما انا متحمس جدا اني راجع المدرسة بس هي الكورونا خلصت؟
= لا يا حبيبي لسه شوية
- طب اما هي ماخلصتش راجعين المدرسة ليه؟
= يعني انت يا يوسف مش عايز ترجع المدرسة؟
- لا دي وحشتني جدا واصحابي وحشوني كمان، بس انا خايف اتعدي.
= عندك حق يا يوسف هي حاجة تقلق فعلا، بس احنا عشان كده هنلبس ماسك و face shield وعشان كده كمان محتاج تغسل ايدك كتير في المدرسة وتطهر ايدك كمان بالكحول.
- بس انا حاسس اني اول ما اشوف اصحابي هحضنهم وابوسهم، وانتي قلتي ان ده غلط.
= حبيبي الحضن مش غلط بالعكس احنا كلنا محتاجينه، المشكلة بس ان دي فترة صغيرة وان شاء الله الوقت الصعب ده يعدي بسرعة من غير مانتعدي او ننقل المرض لحد، وعشان كده ولا هنسلم على حد ولا حضن في الفترة دي بس.
- طيب لو جالي كورونا هيحصل ايه؟
= معظم اللي بيجيلهم كورونا يا يوسف بيخفوا على طول وفيه كمان مابيحسوش انه جالهم. وفيه شوية بيحسه بيه كأن جالهم برد بس جامد شوية، وفيه شوية صغيرين بيحتاجوا يروحوا المستشفى عشان الدكتور يشوفهم.
الموضوع بسيط ان شاء الله وخصوصا لو اخدت بالك انك ماتقربش من حد اوي وتغسل ايديك علطول

👈🏻 عارفين ايه اللي يوسف عمله ده؟
هو عبر عن مشاعره،قال انه متحمس وبعدين قال انه خايف وقال انه قلقان.
يوسف عنده ٧ سنين، بس بيعرف يفهم مشاعره من وهو عنده ٤ سنين تقريبا.
وده لانه عنده مخزون من مصطلحات المشاعر المختلفة فاهم معانيها وقادر يعبر عن نفسه بيها.
تخيلوا لو مابيعرفش يعبر عن مشاعره كان حصل ايه؟
كان ممكن يعيط كل يوم من غير سبب واضح، او ممكن يبقى عصبي جدا والاقيه بيزعق او بيضرب اخته، ماهو قلقان وخايف بس مش فاهم نفسه ومش عارف يعبر.

👈🏻 عارفين اللي انا عملته ده اسمه ايه؟
اسمه اقرار وتقبل لمشاعره.
انا فَهمته ان مشاعره دي عادية وحقه انه يحسها واني مستوعباه وفاهماه جدا وبحاول اوضحله الصورة واخليه يشوفها بطريقة عملية وبمعلومات علمية واضحة.
بدل ما اقوله هو فيه راجل يخاف؟ اجمد كده!
لما اعترف بمشاعره اولا الخوف والقلق اللي جواه هيقل لانه فهم انه في ايده انه يبعد العدوى عنه لو خد باله، وكمان فهم انه مشاعره مقبولة وانه يقدر بسهولة ييجي في اي وقت يحكيلي مشاعره وهو مطمن.
ولسه كمان لما يرجعوا المدرسة، هتظهر مشاعر جديدة عليهم.
ممكن يحس بالغيرة من طفل اشطر منه بعد ماكان هو شاطر بس نسي كل حاجه.
ممكن يحس بالحزن لانه اصحابه اللي كانوا معاه اتنقلوا كلاس تاني او مدرسة تانية. وهما كانوا واحشينه جدا.
ممكن يحس بالحماس بزيادة والطاقة اللامحدودة بعد القاعدي دي كلها 😅
هو ده بالظبط اللي بنعلمه للطفل من خلال كروت حاسس بإيه ، انه يفهم مشاعره كويس و يعبر عنها ويتصرف معاها بطريقة ايجابية.

🏆كروت حاسس بإيه موجوده من اكتوبر ٢٠١٨ ومن ساعتها اتباع منها ٤٠٠٠ نسخة وكانت bestseller او الاكثر مبيعا في Virgin Megastores وحاصلة على براءة اختراع كمان.
❤️ بس الحقيقة اني كأم ومدربة تربية ايجابية شايفة ان هو ده اكتر وقت الاطفال والكبار محتاجين فيه الكروت دي.
👈🏻كروت حاسس بإيه عبارة عن ٣٤ كارت وش وظهر.
كل كارت فيه شعور مختلف مرسوم في موقف وفي ظهر الكارت اقتراحات للتصرف بطريقة ايجابية في كل شعور.
اللينك ده فيه كل التفاصيل عن الكروت والشراء منه، وفيه كمان فيديو بشرح فيه الكروت وممكن تنزلي منه كتيب مجاني فيه عينة من الكروت وطرق للعب بيها.
How Do you Feel Cards
 

السن من ٣ سنين لحد ١٨ سنة وفيه كبار كمان استعملوها.

الشحن مجاني لو الاوردر بأكتر من ٢٥٠ جنيه
لو اقل يبقى ب ٣٠ لاي مكان في مصر 😊
لتحميل عينة مجانية من الكروت دوسي هنا

 

ودي كانت تجربة أم مع ابنها اللي ماكملش 3 سنين

 

للشراء من اللينك ده 

How do you feel cards


1 comment


  • Shahnda

    انا خريجه فنون تطبيقه قسم إعلان لو احتجي اي حاجة في تصميم انا ممكن اعمل ده من غير مقابل
    https://www.behance.net/shahndam354b5b
    ده لينك شغل بتاعي


اتركي تعليق