كتاب لمساعدة الطفل في حالات الفقد - للأولاد

 

 

grief workbook كتاب الفقد
لما بنفقد حد عزيز علينا، التعامل مع مشاعرنا وحزننا بيبقى صعب ومؤلم. لكن بالنسبة للطفل اللي اتعرض للفقد، استيعاب وتقبل اللي حصل وكل المشاعر اللي بيحسها بيكون أصعب، لأن فيه حاجات كتير عقله الصغير بيبقى لسه مش مستوعبها.

من ٦ سنين فقدت والدي، ولأني كنت لسه ماعنديش الوعي الكافي للتعامل مع مشاعري، تعبت نفسيا وجسديا. جالي أمراض ليها علاقة بالحالة بالحالة النفسية وجالي اكتئاب، لأني كنت بحاول اخبي مشاعري مراعاة لمشاعر أمي وابني ولاني ماكنتش عارفه اهمية اني اعبر عن مشاعري واطلعها من جوايا.

من شهر تقريبا فقدت صديقة عمري والحزن كان كبير جدا. بس المرة دي قررت إني استخدم الوعي اللي وصلتله بعد السنين دي في التعامل بطريقة أحسن شوية مع حزني.
عبرت عن مشاعري وعيطت كتير وكتبت أكتر.
وكل مرة كنت بعمل كده كنت برتاح شوية.

لما حصل كده حسيت إن واجبي إني يبقى لي دور في مساعدة الأهل مع ولادهم في الظروف دي.
وبعد بحث كتير عملت الكتاب ده.


كتاب "بحبك" هو كتاب pdf مجاني، فيه انشطة مختلفة الطفل بيعملها عشان يساعده يخف من ألم الفقد ويبدأ يعيش حياته بطريقة سوية.

هتطبعوه بالالوان ويتدبس زي الكتاب.
ساعدوا الطفل يعمل الأنشطة اللي فيه بالترتيب، زي الكتابة والتلوين والرسم

الكتاب مكتوب بالعامية للتسهيل على الطفل في الظروف دي

هتلاقوا في الكتاب كمان افكار ازاي تساعدوا الطفل.

تقبلوا مشاعر الطفل تماما وسيبوه يعيط ويعبر بالطريقة اللي تريحه.

الكتاب عملنا منه نسختين، نسخة للبنت، لونها بينك، ونسخة للولد، لونها ازرق.

وطبعا السن المناسب هو للطفل اللي يقدر يكتب ويرسم ويعبر عن مشاعره. ممكن من ٧ سنين بس حسب استيعاب الطفل.

ولو طفل صغير ممكن برضه نساعده بنفس التمارين بس على قد قدرته.

يارب الكتاب يفيد الأطفال اللي محتاجاه ويبقى علم يُنتفع به ان شاء الله.

 

لتحميل الكتاب مباشرة ادخل الايميل والاسم واضغط على زر التحميل
برجاء التأكد من عدم وجود مسافة قبل او بعد الايميل

3 comments


  • Somaia Ahmed

    Thank you so much


  • سارة

    شكرا ع كل حاجة


  • نهال

    شكرا جدا


Leave a comment