قصتي

انا شيرين هيكل

طبيبة وأم لولد وبنت

ومعلمة تربية إيجابية

من أول ما ربنا رزقني إبني يوسف في 2013 أخدت أجازة من شغلي وتفرغتله، و بدأت أدور وأقرأ وأحضر كورسات تربية إيجابية عشان كان كل أملي إني ما أقصرش في تربيته وخصوصا إني، زي معظمنا، عندي مشاكل جوايا بتكون سبب في حاجات ممكن تبوظ اللي أنا بعمله زي العصبية مثلا من كتر ما قريت وحضرت حفظت المعلومات، بس أول ما أروح البيت ألاقي نفسي نسيت أو إتلخبطت أو رجعت لورا بدل ما أتحسن فكرت وقررت إني أساعد نفسي وإبني بألعاب تربوية، هو يلعب ويستمتع بيها وفي نفس الوقت تفكرني على طول بالصح إللي المفروض أعمله ومن هنا جت الفكرة

قلت طيب زي ما بساعد نفسي ما أساعد كمان كل الأمهات إللي زيي، وخصوصا إني حاسة بيهم وعارفة هما محتاجين إيه.

بدأت بكروت حاسس بإيه وإللي عجبت الأمهات جدا الحمد لله. وكمان بدأت بيها أمشي في مشوار حلمي

حلمي إني أعمل ألعاب تكون زي مدرب تربية في البيت، تساعد كل مربي في تربية أولاده وتساعد كل طفل، وهو بيلعب إنه يطلع إنسان واثق من نفسه، مثابر، وعنده تعاطف وعطاء