أهم حاجه تقوي مناعة الأطفال وتزود تركيزهم هي الاكل الصحي المتوازن، والموضوع سهل ماتقلقيش.
لو رتبنا أفكارنا وعرفنا انه في الآخر اللانش بوكس أو أي وجبة بنقدمها لولادنا لازم تتكون من 3 أقسام رئيسية هنرتاح، وهما النشويات، البروتينات والخضار او الفاكهة.
في البوست ده جبتلكم أفكار كتير بس كمان حاولي انتي تستعملي المتاح عندك في البيت من التلات أقسام دول، وده هيسهل عليكي التفكير جدا، وكمان هيضمن لولادك وجبة متكاملة ان شاء الله.
المهم كمان عشان نساعد مناعتهم ونقويها اننا نختارلهم انواع أكل صحية، يعني بلاش اللانشون واللحوم المصنعة، وبلاش العصير المعلب اللي مليان سكر ملوش لازمة، وبلاش على قد مانقدر العيش الفينو، العيش البلدي أحسن بكتير.
بلاش كمان الحلويات اللي مليانة سكر، بدلوها بالفواكه المجففة، مفيدة جدا والولاد بيحبوها.
وماتنسيش المياه طبعا 
وعلى فكرة النت مليان افكار لوصفات صحية وظريفة الولاد يحبوها.
