أنا مش قصير قُزعة أنا طويل واهبل 
فاكرين الفيلم ده؟
تعرفوا ان الكلام ده ليه أساس علمي؟ اه والله!
بس مش بالظبط يعني
علم النفس اكتشف ان فيه حاجه اسمها العقلية الثابتة وحاجه عكسها اسمها عقلية النمو growth mindset
باختصار، معتقدات الطفل (والكبير) عن نفسه ليها تأثير قوي على انجازاته ونجاحه في الحياة.
الأمثلة في الصورة، بس عايزة اقولكوا ان تشجيع الطفل باستمرار والتقليل جدا من تأنيب الطفل على كل صغيرة وكبيرة له تأثير إيجابي على نجاحه في حياته بعد كده.
اكتشفوا ان الكلام اللي بتقوليه لابنك عن نفسه وهو صغير هو ده الصوت اللي دايما بيسمعه في مخه، فإما يكون الصوت ده بيشجعه ويحفزه أو بيحبطه.
تربية الطفل على عقلية النمو بتخليه يشوف نفسه انسان ناجح من قبل ماينجح، وده بيخليه ينجح لان عقله شايفه ناجح.
