تجربة شخصية عايزة افيدكوا بيها 
ابني وهو عنده ٣ شهور جاله برد جامد ومناخيره قفلت وبقى مش عارف يرضع.
ولا اي دوا نفع معاه ساعتها، فقعدت ادور على النت على حلول طبيعية على أمل اني الاقي حاجه تساعد.
فوجئت بمنتدى سويسري فيه أمهات بيتكلموا عن البصل، وكانت مفاجأة بالنسبة لي!
قطعي بصلة في طبق وحطيها جنبه
ال Sulphur اللي في ريحة البصل بتفك السدة بتاعت المناخير!
قلت اجرب مش خسرانة حاجة خلال ٥ دقايق كانت مناخيره فكت!
الاختراع ده لحد دلوقتي بستعمله مع بنتي الصغيرة ومعايا انا شخصيا، وبسيب الطبق على الارض جنب السرير طول الليل.
وطبعا انا فاهمة ان البصل ريحته صعبة بس بالنسبالي الإنجاز اللي بيعمله بيعوض الريحة وخلاص مابقتش بتضايق منها
اتمنى ان الفكرة دي تنفع الناس اللي ماكنتش عارفاها 