خطوات لبناء الثقة بينك وبين ولادك

خطوات لبناء الثقة بينك وبين ولادك

19 يناير 2022
عايزة بنتك اللي في سن المراهقة تيجي تحكيلك كل حاجه حصلت في يومها؟
يبقى لازم يكون فيه بينكوا "ثقة"
ثقة ابنك فيكي مش امر مفروغ منه. مش عشان انتي مامته يبقى لازم يحكيلك على تفاصيل حياته. بالعكس…
الثقة دي بتبنيها واحدة واحدة، ومع كل موقف بيطمن الطفل ويحسسه بالأمان، الثقة بينكوا هتكبر.
عشان توصلي لمراهق واثق فيكي وبيحكيلك لازم تبدأي من سن الحضانة وقبل كده كمان 🤓
دي خطوات بسيطة وعملية عشان الأب والأم يكتسبوا ثقة ولادهم:
١. سيبي موبايلك تماما وركزي مع ابنك لما ييجي يحكيلك عن يومه. اظهريله اهتمامك
الدراسات اثبتت انك لما بتطلعي الموبايل تبصي فيه في وسط اي حوار مع حد، الحوار ده بيتدمر، ده غير ان الطفل هيفهم شوية شوية انك مش مهتمة، يبقى يحكيلك ليه؟
٢. ماتبالغيش في رد فعلك.
خليكي مستمعه جيدة.
لما سألوا شوية اطفال هما ليه بيخبوا على اهاليهم ومابيحكوش قالوا انهم بيخافوا من رد الفعل اكتر من المشكلة اللي عندهم نفسها!
امسكي اعصابك قدر الامكان. حاولي، انا عارفه انه صعب والله، بس هييجي بالتدريب.
اسكتي خالص واسمعي وانتي بتفكري في رد فعلك. لما تهدي شوية قرري هتقولي ايه. حاولي على قد ماتقدري مايبقاش رد فعلك بدون تفكير.

رابط للمشاركة

Use this link to share this article