من أكتر الحاجات اللي مفتقداها من طفولتي هي لمتنا على السفرة وقت الغدا مع ماما وبابا الله يرحمه.
اللمة دي ببساطة كانت بتقرب الأسرة من بعض، وبتخلي كل واحد يحكي عن يومه بطريقة طبيعية من غير الأسئلة المباشرة اللي غالبا بيبقى مالهاش إجابة!
دلوقتي للأسف أنا متأكده ان معظم الأسر مفتقدة اللمة دي لأسباب مختلفة. تمارين ودروس ومواعيد شغل لحد متأخر بالليل. الحياة بقت أصعب من زمان بكتير.
بس ده مش معناه اننا نستسلم للظروف ونضيع فرصة التواصل مع ولادنا 😉
جايبالكوا النهارده مفاجأة 🤩
كروت فيها اسئلة مختلفة وجديدة وغير مباشرة، وساعات مضحكة 😁
اطبعوها وخلوها معاكوا في العربية، في البيت، في الشنطة، زي ماتحبوا.
لو الطفل صغير ممكن تطلعي كارت وتسأليه وممكن هو اللي يختار والطفل الكبير ممكن يقرأ هو الكروت ويختار سؤال النهارده ويجاوب عليه.
وممكن كمان الاطفال يلعبوا بالكروت مع بعض ويسألوا بعض الاسئلة 😍
الاطفال بيحبوا اللعب، ومابيحبوش الاستجواب والاسئلة المباشرة. العبوا معاهم وساعدوهم يطوروا مهارات الحوار عندهم وشوفوا الأسئلة دي هتوصلكوا لحوارات شكلها ايه واحكولي عملتوا ايه 😉
سيبتلكوا كارت فاضي كمان تكتبوا فيه اللي انتوا عايزينه 😊
لو البوست عجبكوا اعملوا شير ومنشن عشان ناس اكتر تستفيد منه ♥️
الكروت موجوده في PDF تقدروا تنزلوا و تطبعوه بسهوله
جزاكم الله خيرا
بجد اسلوبكم راقي جداً..شكرا لاتاحة الفرصة لينا كأولياء أمور وأمهات لمشاركة محتواكم التربوي والمسلي في نفس الوقت معانا بالصورة دي ..انا ممتنة جدا كل حاجة عجبتني وكل حاجة وراها درس ومغزي
جميييل والالوان مبهجه والمواضيع المكتوبه بتخرج كلام كتير من الولاد بطريقه غير مباشره شكرااا ليكى جدااا
رائع جدا
جزاكم الله خيرا
Thank uuuuu