وانا في المدرسة ماكنش ينفع أقول "أنا وحشة في البيولوجي"
كنت أكيد هسمع "ماتقوليش كده، انت شاطرة!"
ده كان بهدف التشجيع طبعا، وأكيد كلنا حصلنا كده.
المشكلة ان الكلام ده ماكنش بيريحني او بيشجعني، بالعكس ده كان بيحسسني بالذنب عشان حاسة الإحساس ده!
والأهم من ده انه ماكنش بيغير إحساسي ناحية البيولوجي، انا برضه فضلت حاسة اني مش شاطرة فيه.
جملة بسيطة زي" ماتقولش كده، انت شاطر" مابتشجعش وعلى العكس، دي بتكبت شعور الطفل جواه.
الشعور هيفضل حاسس بيه ومش هيتغير، اللي حصل بس انه قفل عليه جواه و غالبا مش هيعبر عنه تاني.
الشعور لما بيتكبت جوه الانسان مابيختفيش، هو بيفضل موجود وللاسف بيطلع في صور سلبية كتير.
مثلا يطلع في صورة عصبية غير مبررة، سلوك عدواني، أكل ظوافر، قلق مش مفهوم.
وممكن يطلع في صورة امراض جسدية زي مغص في البطن وقت مذاكرة البيولوجي!
الكلام اللي بتقوليه لابنك لما بيقول على نفسه كلام سلبي بيعبر بيه عن مشاعره مهم جدا جدا. بس المشكلة ان اختيارك للكلام بيبقى صعب خصوصا لاننا اتعودنا على ردود معينة.
دي شوية افكار للردود اللي ممكن تقوليها.
ولو حد عنده أفكار تانية ياريت يفيدنا 
