عارفين ليه الأطفال مبسوطين ومتحمسين على طول؟
عشان بيعملوا الحاجات اللي بيحبوها من غير قيود..
الطفل عادة مابيفكرش كتير في اللي هو هيعمله، كل اللي بيفكر فيه انه عايز يعمل ده دلوقتي عشان الحاجه دي هتبسطه، بس 
شوية شوية بنبدأ نقيده، اعمل ده ماتعملش ده، ده هيوسخ هدومك، ده مش وقته، عندنا حاجات أهم، ده عيب، الناس هتقول ايه…
كل مايكبر يتعود انه غالبا الحاجات اللي كان بيعملها وبتبسطه معظمها غلط، لأسباب مختلفة.
يتعود انه مايعملش اللي بيحبه.
وشوية شوية ينسى الحاجات اللي كان بيحبها..
يكبر ويبقى قدنا، يبدأ يدور على السعادة..
النهارده عايزة افكركوا انكوا عشان تلاقوا السعادة، اعملوا الحاجات اللي بتحبوها.
ازاي؟
امسكي ورقة وقلم واكتبي ١٠ حاجات بتحبي تعمليها لو مش عارفة او مش فاكره، حاولي تفتكري كنتي بتحبي تعملي ايه وانتي صغيرة واكتبيه. لمدة ١٠ اسابيع كل اسبوع خصصي نص ساعه كل يوم، او حتى اقل، اعملي فيها الحاجه دي.كل اسبوع اعملي حاجه مختلفةاكتبي النص ساعه دي في جدولك عشان تلتزمي بيهاجربي وقولولنا عملتي ايه
لأن السعادة قرار، مابتجيش صدفة..
اشتغلي على سعادتك عشان لما تبقي سعيدة ولادك هيبقوا سعداء زيك 