كتير امهات بتسال نفسها امتى ابدا اعرف ابني على الصيام ؟ ونحببهم فيه ازاي؟
- -الولاد اللي بيتعلموا الصيام لأول مرة الأحسن ليهم يصوموا مع آذان العصر لحد المغرب..
- الأحسن ياكلوا ويشربوا ونصلّي العصر مع بعض ويبدأوا يصوموا معانا لحد آذان المغرب. وقتها هيحسّوا بفرحة الإفطار وتجمعهم معانا على السفرة.
- - يبدأ يصوم الأول في الوقت اللي محددينه سوا عن الأكل بس ويشرب مياه عادي وقت الصيام. ولما يتعود شوية، نبدأ نقلل المياه لحد ما جسمه يقدر يتقبل إنه يصوم عن الأكل والمياه.
- -اتكلمي كتير مع ولادك عن فايدة الصيام على الجسم وعلى تحسين الصحة .
- ويا سلام بقى لو أخدناهم في حضننا قبل الفطار وهمّ عطشانين وجعانين كده وقلنا لهم ده وقت الدعاء ونقعد ندعي كلنا ، وكل واحد يطلب ويتمني اللي نفسه فيه من ربنا.